Ch'è stato?

Ch'è stato?
Nun aggio capito cchiù niente
'sta vita è passata,
ha fatto cchiù ampressa d'o viento,
e cche m'ha lassato?

Sfiatata, stancata
nun tengo cchiù forza,
nun voglio fà niente.
Me songo stancata 'e parlà
nun tengo cchiù genio 'e pazzià.

Ch'è stato?
Nun aggio capito cchiù niente
l'ammore è passato,
nun avimmo ngarrat'o mumento,
e cche m'ha lassato?

Confusa, sturduta
nun tengo cchiù ggenio
'e suffrì e spantecà.
Me songo stancata 'e sperà
nun tengo vulìo 'e cercà

Ch'è stato?
Nun aggio capito cchiù niente,
sulamente
c'a vita nun se pò fermà.

RosaAnna Pironti